MoD Internal Examinations Department

         ՀՀ ՊՆ ներքին քննությունների վարչության գործունեությունն ուղղված է ապահովելու Նախարարի կողմից Նախարարության համակարգի մարմինների և կազմակերպությունների, զինված ուժերի գործունեությունը վերահսկելու գործընթացը։

        Վարչությունն իր գործունեության ընթացքում իրականացնում է հետևյալ հիմնական գործառույթները․

1. Պաշտպանության նախարարի և/կամ Գլխավոր քարտուղարի համապատասխան հրամաններով նշանակված ծառայողական քննությունների անցկացումը,
2. Նախարարության համակարգում անցկացված (անցկացվող) ծառայողական քննությունների, ինչպես նաև դրանց վերաբերյալ բողոքների ուսումնասիրությունը և համապատասխան առաջարկությունների ներկայացումը,
3. պետական մարմիններից, հիմնարկներից և կազմակերպություններից ստացված տեղեկատվության կամ քրեադատավարական գործընթացների շրջանակներում Նախարարություն ներկայացված առաջարկների (և/կամ առաջադրված պահանջների) վերաբերյալ Նախարարի կամ Գլխավոր քարտուղարի ցուցումով ուսումնասիրությունների և այլ անհրաժեշտ գործողությունների կատարումը,
4. Նախարարության համակարգում ռազմաբժշկական, թիկունքային, սպառազինության և տեխնիկական ապահովման, կապիտալ շինարարության, ինժեներական, կադրային և այլ ուղղություններով գործունեության, ինչպես նաև գնումների կազմակերպման շրջանակներում ուսումնասիրությունների իրականացումը և դրանց արդյունքներով համապատասխան առաջարկությունների ներկայացումը,
5. իր գործառույթների իրականացման արդյունքում հայտնաբերված խախտումները և այլ թերությունները վերացնելու գործընթացի նկատմամբ վերահսկողությունը,
6. զինծառայողների ատեստավորման արդյունքների վերաբերյալ բողոքների քննությունը և համապատասխան առաջարկությունների ներկայացումը։