Էդվարդ Ասրյանն ընդունել է Հնդկաստանի պաշտպանության քարտուղարին

Այսօր պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանն ընդունել է Հնդկաստանի պաշտպանության քարտուղար Ռաջեշ Կումար Սինգհին։ Հանդիպման ընթացքում քննարկվել են պաշտպանության բնագավառում Հայաստան-Հնդկաստան համագործակցությանն առնչվող հարցեր։ Նախկինում ձեռք բերված պայմանավորվածության շրջանակում կողմերը փոխանակվել են երկու երկրների զինված ուժերի գլխավոր շտաբների միջև նոր համագործակցության ձևաչափը սահմանող փաստաթղթով։

Սուրեն Պապիկյանն ընդունել է Հնդկաստանի պաշտպանության քարտուղար Ռաջեշ Կումար Սինգհին

Օգոստոսի 17-ին պաշտպանության նախարար Սուրեն Պապիկյանը ՊՆ վարչական համալիրում ընդունել է պաշտոնական այցով Հայաստան ժամանած Հնդկաստանի պաշտպանության քարտուղար Ռաջեշ Կումար Սինգհին։ Պաշտպանության նախարար Սուրեն Պապիկյանը բարձր է գնահատել երկու երկրների միջև համագործակցության ընթացքը: Հանդիպման ընթացքում քննարկվել են պաշտպանության բնագավառում Հայաստան-Հնդկաստան փոխգործակցությանը, այդ թվում՝ ռազմատեխնիկական գործակցությանը վերաբերող հարցեր։ Կողմերն անդրադարձել են նաև տարածաշրջանային և միջազգային անվտանգությանն առնչվող հարցերի: Հանդիպմանը մասնակցել է նաև Հայաստանում Հնդկաստանի արտակարգ և լիազոր դեսպան Նիլակշի Սահա Սինհան:

Հայաստան է ժամանել Հնդկաստանի պաշտպանության քարտուղարը

Օգոստոսի 16-ին պաշտոնական այցով Հայաստան է ժամանել Հնդկաստանի պաշտպանության քարտուղար Ռաջեշ Կումար Սինգհը։

Հանդիպում-քննարկումներ ժամկետային զինծառայող սերժանտների, բանակային դիրքերի ավագների հետ

Պաշտպանության նախարար Սուրեն Պապիկյանի հանձնարարությամբ շարունակվում են հանդիպում-քննարկումները ժամկետային զինծառայող սերժանտների, բանակային դիրքերի ավագների հետ: Օրակարգում ոչ կանոնագրքային փոխհարաբերությունների կանխարգելմանը, բանակ թափանցող արատավոր բարքերն արմատախիլ անելուն ուղղված աշխատանքներին վերաբերող հարցերն են։

ԶՈՒ ԳՇ պետն ընդունել է Հայաստանի Հանրապետությունում Ռուանդայի Հանրապետության նորանշանակ դեսպանին

Պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանն ընդունել է Հայաստանի Հանրապետությունում Ռուանդայի Հանրապետության նորանշանակ արտակարգ և լիազոր դեսպան Ջոզեֆ Նզաբամվիտային։ Հանդիպմանը մասնակցել է նաև ՀՀ-ում Ռուանդայի պաշտպանության հարցերով կցորդ, գնդապետ Էնթոնի Բ. Մպագազեն։ Գեներալ-լեյտենանտ Էդվարդ Ասրյանը շնորհավորել է դեսպանին պաշտոնն ստանձնելու կապակցությամբ՝ հաջողություններ մաղթելով պատասխանատու առաքելության մեջ։ Հանդիպման ընթացքում քննարկվել են Հայաստանի և Ռուանդայի միջև պաշտպանության բնագավառում համագործակցության հնարավորությունները։ Մտքեր են փոխանակվել երկուստեք հետաքրքրություն ներկայացնող հարցերի վերաբերյալ։ Դեսպանը ՀՀ ԶՈՒ ԳՇ պետին է փոխանցել Ռուանդայի պաշտպանության շտաբի պետի ջերմ ողջույնը և երկկողմ հարաբերությունների զարգացման պատրաստակամությունը։

Սուրեն Պապիկյանը հանդիպել է ԵՊՀ Հոգեբանության գիտահետազոտական կենտրոնի պրոֆեսորների հետ

Օգոստոսի 14-ին պաշտպանության նախարար Սուրեն Պապիկյանը հանդիպել է ԵՊՀ Հոգեբանության գիտահետազոտական կենտրոնի պրոֆեսորների հետ՝ պաշտպանության նախարարությանը մատուցվող հոգեբանական ծառայությունների ընթացիկ զեկույցին ծանոթանալու նպատակով:

Նորընծա սպաների խոսքը՝ ակադեմիան ավարտելու կապակցությամբ

Պաշտպանության նախարար Սուրեն Պապիկյանի ելույթը ռազմական ակադեմիայի շրջանավարտների ավարտական հանդիսավոր միջոցառմանը

Տեղի ունեցավ ռազմական ակադեմիայի շրջանավարտների ավարտական հանդիսավոր միջոցառումը

Այսօր տեղի ունեցավ ռազմական ակադեմիայի շրջանավարտների ավարտական հանդիսավոր միջոցառումը։ Այս տարվա շրջանավարտները, սպայական դաշույնների և ավարտական վկայականների հետ մեկտեղ, ստացան նաև բնակարանների գնման հավաստագրեր: Շնորհավորում եմ բոլոր շրջանավարտներին և մաղթում արժանապատիվ ծառայություն։ Փա՜ռք նահատակներին և կեցցե՜ Հայաստանի Հանրապետությունը։ ՀՀ պաշտպանության նախարար ՍՈՒՐԵՆ ՊԱՊԻԿՅԱՆ

Հաղորդագրություն

Օգոստոսի 13-ին հայտնաբերվել է ՊՆ N զորամասի զինծառայող Գրիգոր Էդգարի Զաքարյանի դին՝ հրազենային վնասվածքով: Դեպքի հանգամանքներն ամբողջովին պարզելու նպատակով ընթանում է քննություն: Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին ու ծառայակիցներին։

Պաշտպանության նախարարն անցկացրել է խորհրդակցություն

Օգոստոսի 12-ին պաշտպանության նախարար Սուրեն Պապիկյանն անցկացրել է խորհրդակցություն՝ զինված ուժերում հոգեբանական ծառայությունների աշխատանքների կազմակերպման վերաբերյալ։

Այս տարի Վ. Սարգսյանի անվան ռազմական ակադեմիա ընդունվող աղջիկների թիվը ռեկորդային է