Որոնել

Անցկացվել է «Տեր և տիկին» մրցաձևը

25 Օգոստոսի, 2021 18:42
Մոնթե Մելքոնյանի անվան ռազմամարզական վարժարանում անցկացվել է «Միջազգային բանակային խաղեր-2021» մրցաշարի շրջանակում Հայաստանի Հանրապետությունում մեկնարկած «Խաղաղության մարտիկ» միջազգային մրցույթի առաջին՝ գրական-գեղարվեստական «Տեր և տիկին» մրցաձևը:

Հավաքական թիմերի ներկայացուցիչները հանդես են եկել ազգային տարազներով, երաժշտական, պարային և ասմունքի տարբեր կատարումներով: Մշակույթի գործիչներով համալրված հեղինակավոր ժյուրիի գնահատականների համադրումից հետո որոշվել է տվյալ մրցափուլի հաղթողը:

Առաջին տեղում Հայաստանի զինված ուժերը ներկայացնող թիմն է: Մեր մասնակիցներից Հայկ Հակոբյանը և Արմինե Գրիգորյանը անհատական հաշվարկով առաջատարներ են:

Որպես գրական-գեղարվեստական մրցաձևի շարունակություն, մասնակիցները նաև բացազատել են ազգային տաղավարներ, որտեղ ներկայացվել են մշակութային տարբեր ցուցանմուշներ, տվյալ երկրի խոհանոցին բնորոշ կերակրատեսակներ:

  • Տարածել