Սուրեն Պապիկյանը հանդիպել է ԵՄ ռազմական կոմիտեի նախագահի հետ

Մարտի 13-ին ՀՀ պաշտպանության նախարար Սուրեն Պապիկյանը Բրյուսելում հանդիպել է ԵՄ ռազմական կոմիտեի նախագահ, գեներալ Շոն Կլենսիի հետ։ Հանդիպման ընթացքում քննարկվել են ԵՄ-ՀՀ միջև անվտանգության և պաշտպանության բնագավառում համագործակցության շրջանակում ռազմական կրթությանը, վարժանքներին, առաքելություններին ներգրավմանը վերաբերող և փոխադարձ հետաքրքրություն ներկայացնող այլ հարցեր: Կողմերն անդրադարձել են նաև տարածաշրջանային ու միջազգային անվտանգությանն առնչվող մի շարք հարցերի:

Սուրեն Պապիկյանը Բրյուսելում հանդիպել է ԵՄ պաշտպանության և տիեզերքի հարցերով հանձնակատարի հետ

Մարտի 13-ին ՀՀ պաշտպանության նախարար Սուրեն Պապիկյանը Բրյուսելում հանդիպել է ԵՄ պաշտպանության և տիեզերքի հարցերով հանձնակատար Անդրիուս Կուբիլիուսի հետ։ Հանդիպման ընթացքում քննարկվել են պաշտպանության ոլորտում համագործակցության հնարավորություններին և զարգացման հեռանկարներին, ինչպես նաև տարածաշրջանային ու միջազգային անվտանգությանն առնչվող մի շարք հարցեր:

ՀՀ պաշտպանության նախարարը հանդիպել է Բելգիայի Թագավորության պաշտպանության և արտաքին առևտրի նախարարի հետ

Բրյուսել կատարած աշխատանքային այցի շրջանակում ՀՀ պաշտպանության նախարար Սուրեն Պապիկյանը մարտի 12-ին հանդիպել է Բելգիայի Թագավորության պաշտպանության և արտաքին առևտրի նախարար Թեո Ֆրանկենի հետ։ Նախարարները քննարկել են պաշտպանության ոլորտում Հայաստան-Բելգիա համագործակցությանն առնչվող հարցեր։ Հանդիպման ընթացքում կողմերն ընդգծել են համագործակցության զարգացման մեծ ներուժը՝ ռազմական կրթության, մասնագիտական վարժանքների, ռազմական բժշկության, խաղաղապահության, հումանիտար ականազերծման և այլ ուղղություններով՝ պայմանավորվածություն ձեռք բերելով շարունակել աշխատանքները փոխգործակցության ընդլայնման ուղղությամբ։ Զրուցակիցներն անդրադարձել են նաև միջազգային անվտանգությանն առնչվող մի շարք հարցերի։

Սուրեն Պապիկյանի գլխավորած պատվիրակությունն աշխատանքային այցով մեկնել է Բրյուսել

Մարտի 11-ին ՀՀ պաշտպանության նախարար Սուրեն Պապիկյանի գլխավորած պատվիրակությունն աշխատանքային այցով մեկնել է Բրյուսել։

Սուրեն Պապիկյանը մասնակցել է կանանց գումարտակի շենք-շինության բացման հանդիսավոր արարողությանը

Մարտի 10-ին ՀՀ պաշտպանության նախարար Սուրեն Պապիկյանը մասնակցել է կանանց գումարտակի շենք-շինության բացման հանդիսավոր արարողությանը։ Հնչել է ՀՀ պետական օրհներգը։ Միջոցառմանը մասնակցել են նաև ՀՀ պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը, բարձրաստիճան այլ զինվորականներ։ Նախարար Պապիկյանը շրջայց է կատարել զորամասի տարածքում, ծանոթացել կին զինծառայողների համար ստեղծված կենցաղ-կացարանային պայմաններին։

Կանանց գումարտակի զինծառայողների համար ստեղծված պայմաններն ու հնարավորությունները ներկայացնում է ՀՀ պաշտպանության նախարար Սուրեն Պապիկյանը

Մարտի 8-ի շրջանակում «Զինուժ մեդիա»-ն անդրադարձել է կանանց գումարտակին և կին զինծառայողներին

Կանայք՝ թիկունքում

Մարտի 8-ի կապակցությամբ «Զինուժ մեդիա»-ն կազմակերպել է զինծառայող եղբայրների մայրիկի անակնկալ այցը զորամաս: Մանրամասն՝ տեսանյութում։

«Սիրելի՛ կանայք և աղջիկներ, շնորհավորում եմ Կանանց միջազգային օրվա՝ Մարտի 8-ի առթիվ»։ ՀՀ պաշտպանության նախարար Սուրեն Պապիկյան

Զինվորականների ընտանիքը

«Պաշտպան հայրենյաց» ծրագրի շահառու, շարքային Դավիթ Եսայանի հաջողությունները