ԲԱԺԻՆՆԵՐ
ՀՀ պաշտպանության նախարար
Վիգեն Ալեքսանդրի Սարգսյան
տարածել
հավանել
Notice: Undefined variable: article in /srv/www/htdocs/pages/www.mil.am/new/views/innerTimelineInfo.php on line 63
8 Ապրիլի 2015
Վիգեն Ալեքսանդրի Սարգսյան
ՀՀ պաշտպանության նախարար
Ծնվել է 1975 թ. մայիսի 10-ին Երևանում, բժիշկների ընտանիքում։
Կրթությունը. 1992-1999 թթ. - Երևանի պետական համալսարանի միջազգային հարաբերությունների ֆակուլտետ («Դիվանագիտության պատմություն և միջազգային հարաբերություններ» մասնագիտությամբ)՝ դիպլոմ (1997 թ.) և միջազգային հարաբերությունների մագիստրոսի աստիճան (1999 թ.)
1992-1996 թթ. - Սանկտ Պետերբուրգ (Ռուսաստանի Դաշնություն) - ՌԴ Նախագահին առընթեր Քաղաքացիական ծառայության հյուսիսարևմտյան ակադեմիա («Պետական կառավարում և տեղական ինքնակառավարում»), մասնագիտացումը` «Անձնակազմի կառավարում»
1998-2000 թթ. - Մեդֆորդ (Մասաչուսեթս, ԱՄՆ) - Իրավունքի և դիվանագիտության Ֆլետչեր դպրոց, Թաֆթս և Հարվարդի համալսարաններ («Միջազգային իրավունք և միջազգային անվտանգություն» մասնագիտությամբ)՝ իրավունքի և դիվանագիտության արվեստների մագիստրոսի աստիճան
Աշխատանքային գործունեությունը. 1995-1998 թթ. - Հայաստանի Հանրապետության Ազգային ժողովի նախագահի օգնական
1998 թ. - Հայաստանի Հանրապետության Ազգային ժողովի նախագահի խորհրդական
2000-2003 թթ. - իսկական զինվորական ծառայություն Հայաստանի Հանրապետության Զինված ուժերում, ՀՀ պաշտպանության նախարարի ռեֆերենտ
2003-2009 թթ. - Հայաստանի Հանրապետության Նախագահի օգնական
2009-2011 թթ. - Հայաստանի Հանրապետության Նախագահի աշխատակազմի ղեկավարի տեղակալ
2011-2016 թթ. - Հայաստանի Հանրապետության Նախագահի աշխատակազմի ղեկավար
2016 թ. հոկտեմբերի 3-ից՝ Հայաստանի Հանրապետության պաշտպանության նախարար
2011 թվականից՝ Հայաստանի Հանրապետության Ազգային անվտանգության խորհրդի անդամ
Զինվորական կոչումը՝ պահեստազորի ավագ լեյտենանտ։
Կուսակցական պատկանելությունը՝ Հայաստանի Հանրապետական կուսակցություն (ՀՀԿ) (2016 թվականից): Հայաստանի Հանրապետական կուսակցության Գործադիր մարմնի անդամ (2016 թվականից):
Պարգևներ. «Հայրենիքին մատուցած ծառայությունների համար» 1-ին աստիճանի մեդալ (2015 թ.), «Հայրենիքին մատուցած ծառայությունների համար» 2-րդ աստիճանի մեդալ (2013 թ.), Մովսես Խորենացու մեդալ (2007 թ.), Հայաստանի Հանրապետության Նախագահի շնորհակալագիր (2007 թ.), Հայաստանի Հանրապետության Ազգային ժողովի Պատվո մեդալ (2011 թ.), Հայաստանի Հանրապետության վարչապետի հուշամեդալ (2016 թ.), Հայաստանի Հանրապետության Զինված ուժերի «Անդրանիկ Օզանյան» մեդալ (2008 թ.), Երևանի «Արգիշտի Ա» մեդալ (2016 թ.), մի շարք օտարերկրյա պետությունների պետական պարգևներ, այդ թվում՝ Ֆրանսիայի Արժանիքների ազգային շքանշանի ասպետի աստիճան (2008 թ.), Հավաքական անվտանգության պայմանագրի կազմակերպության շնորհակալագիր և մեդալ (2007 թ.)։
«Երևանի պետական համալսարան» հիմնադրամի հոգաբարձուների խորհրդի անդամ։ «Լույս» հիմնադրամի հոգաբարձուների խորհրդի անդամ։
Եղել է Մեսրոպ Մաշտոցի անվան հին ձեռագրերի ինստիտուտի՝ Մատենադարանի խորհրդի նախագահ, Հայաստանի Հանրապետության Պետական կառավարման ակադեմիայի խորհրդի նախագահ, ԱՊՀ հումանիտար համագործակցության մասնակից պետությունների խորհրդի նախագահ, Ռուսաստանի Դաշնության Նախագահին առընթեր ժողովրդական տնտեսության և պետական ծառայության Ռուսաստանյան ակադեմիայի կառավարման Հյուսիս-արևմտյան ինստիտուտի պատվավոր պրոֆեսոր (Սանկտ-Պետերբուրգ, 2015 թ.):
Ամուսնացած է, ունի երեք դուստր: