Անցկացվել է «Կարգապահության պահապան» մրցույթի եզրափակիչ փուլը
12 Օգոստոսի, 2019 13:13Անմիջապես հետո հանդիսավորությամբ կայացել է «Կարգապահության պահապան» մրցույթի փակման արարողությունը: Լավագույն զինծառայողները պարգևատրվել են կրծքանշաններով և նվերներով: Հայկական կողմը նույնպես պարգևներ է հանձնել մրցակից թիմերի լավագույն մասնակիցներին:
Օգոստոսի 10-ը «Ալաբինո» զորավարժարանում հայտարարվել է նաև Հայաստանի օր, որի ընթացքում մարզական ավանի «Բարեկամության տանը» կազմակերպվել է համերգային ծրագիր` ազգային երգուպարի կատարումներով: Բանակային միջազգային խաղերին հետևող հարյուրավոր հյուրեր և այցելուներ ունկնդրել են հայկական դուդուկի հնչյունները, ոգևորությամբ ողջունել հայկական ռազմապարերն ու զինվորական երգերը: «Բարեկամության տանը» գտնվող հայկական տաղավարը ներկայացված կլինի մինչև խաղերի ավարտը: Տաղավարում ներկայացված ցուցանմուշները պատմում են Հայոց պատմության և մշակույթի մասին: