Պաշտպանության նախարարության Մարդու իրավունքների և բարեվարքության պատվիրակությունը մեկնել է Օսլո
14 Սեպտեմբերի, 2018 17:59Սեպտեմբերի 11-ին ՊՆ Մարդու իրավունքների և բարեվարքության կենտրոնի պետ, գնդապետ Ալեքսանդր Ավետիսյանի գլխավորած պատվիրակությունը, Եվրոպայի Խորհրդի «Զինված ուժերում մարդու իրավունքների եվրոպական չափանիշների կիրառման ամրապնդումը Հայաստանում» ծրագրի շրջանակում, ուսուցողական-ճանաչողական այցով մեկնել է Օսլո (Նորվեգիայի Թագավորություն):
ՊՆ պատվիրակության կազմում են ՀՀ զինվորական կոմիսարիատի, ռազմական ոստիկանության, կենտրոնական ռազմաբժշկական հանձնաժողովի և ԶՈՒ ռազմաբժշկական վարչության ներկայացուցիչներ:
Միջոցառմանը մասնակցում են նաև ՀՀ ՄԻՊ աշխատակազմի պատվիրակությունը՝ մարդու իրավունքների պաշտպանի աշխատակազմի քրեական արդարադատության ոլորտում և զինված ուժերում մարդու իրավունքների պաշտպանության դեպարտամենտի ղեկավար Արտյոմ Սեդրակյանի գլխավորությամբ, ինպես նաև ներկայացուցիչներ ՀՀ զինվորական դատախազությունից, քննչական կոմիտեից, Ազգային Ժողովից:
Այցի ընթացքում պատվիրակության անդամները կայցելեն զինվորական հաստատություններ, ինչպես նաև հանդիպումներ կունենան Նորվեգիայի Թագավորության զինված ուժերում մարդու իրավունքների պաշտպանության հարցերով զբաղվող կառույցների ներկայացուցիչների հետ: