ԲԱԺԻՆՆԵՐ
Ուսուցիչների ընդունելության հայտարարություն
տարածել
հավանել
0
31 Հուլիսի 2017
ՀՀ ՊՆ Մոնթե Մելքոնյանի անվան ռազմամարզական վարժարանը հայտարարում է ուսուցիչների ընդունելություն հետևյալ առարկաների դասավանդման համար`

հայոց լեզու, անգլերեն, ռուսերեն, մաթեմատիկա, ֆիզիկա, կենսաբանություն, քիմիա, աշխարհագրություն, հայոց պատմություն, համաշխարհային պատմություն, ինֆորմատիկա:

Դիմորդները պետք է ծանոթ լինեն ուսուցման ժամանակակից մեթոդներին, մշտապես հետևեն արտերկրում ու Հայաստանում դրանց զարգացման միտումներին, ուսումնական գործընթացում հանդես բերեն ստեղծագործական և նորարար մոտեցումներ:

Վարժարանում ուսուցումը կազմակերպվելու է «Այբ» կրթական հիմնադրամի հետ համատեղ մշակված ծրագրով։

Պարտականություններ

  • առարկայի դասավանդում,
  • ուսումնաօժանդակ միջոցառումների կազմակերպում:

Պահանջվող հմտություններ և ունակություններ

  • մանկավարժական բարձրագույն կրթություն համապատասխան ոլորտում,
  • սովորողների հետ աշխատելու նվազագույնը մեկ տարվա փորձ,
  • հայերենի, ռուսերենի և աշխատանքային անգլերենի լավ իմացություն,
  • համակարգչային հմտություններ (MS Office, Internet),
  • կազմակերպչական հմտություններ,
  • միջանձնային և հաղորդակցման գերազանց հմտություններ,
  • պատասխանատվության և ճշտապահության բարձր զգացում,
  • սեր և լուրջ վերաբերմունք կրթությանը ու ինքնակրթությանը։

Դիմելու կարգը

Թեկնածուները պետք է montemelkonyan@mil.am էլ. հասցեին ուղարկեն.

  1. ինքնակենսագրություն (CV) Adobe PDF կամ MS Word ձևաչափով,
  2. նամակ-հիմնավորում «Ինչո՞ւ եմ ուզում Մոնթե Մելքոնյան վարժարանում դառնալ ուսուցիչ» թեմայով ( մեկ համակարգչային էջի սահմաններում),
  3. դասավանդման, դասարանի հետ աշխատանքի սեփական մոտեցումների ու առաջնահերթությունների հակիրճ նկարագրություն (նշված ձևաչափերից որևէ մեկով` MS Word, Power Point, Adobe PDF, Flash, Video և այլ ձևաչափերով):

Փաստաթղթերն անհրաժեշտ է ուղարկել հայերեն, ռուսերեն կամ անգլերեն: Նամակի բովանդակության տողում նշել պաշտոնի անունը՝ Teacher_Subject (Subject բառի փոխարեն գրել դասավանդվելիք առարկայի անվանումը, օրինակ՝ English, Physics և այլն)։

Դիմումների ընդունման վերջնաժամկետն է 2017թ. օգոստոսի 14-ը։

Աշխատանքը Դիլիջան քաղաքում է։

Աշխատանքի սկիզբը` 2017թ. սեպտեմբերի 1։

Լրացուցիչ տեղեկությունների համար զանգահարել 077-87-12-70 հեռախոսահամարով:

ՀՀ ՊՆ Մոնթե Մելքոնյանի անվան ռազմամարզական վարժարանի մասին տեսանյութը կարող եք դիտել հետևելով հղմանը:

Հետևեք մեր լրահոսին նաև սոցցանցերում`
Նորություններ