ՀՀ պաշտպանության նախարարի 21.07.2008թ.-ի N 917 հրամանի համաձայն զինծառայողների և քաղաքացիների` անձնական հարցերով ընդունելությունները ՀՀ պաշտպանության նախարարի և նրա տեղակալների կողմից իրականացվում են հանրապետական զինկոմիսարիատի վարչական շենքում (Երևան, Բաբայան 6), ժամը 17:00-ից, իսկ ՀՀ ՊՆ և ԶՈւ ԳՇ վարչությունների և առանձին բաժինների պետերի, ՀՀ զինվորական կոմիսարի, ՀՀ ՊՆ և ԶՈւ ԳՇ վարչությունների և առանձին բաժինների պետերի տեղակալների, ՀՀ տարածքային զինվորական կոմիսարների, Պաշտպանության բանակի և բանակային կորպուսի, դիվիզիաների հրամանատարների և նրանց տեղակալների, ինչպես նաև զորամասերի հրամանատարների կողմից իրականացվում են ծառայության վայրերում` ժամը 10.00-ից մինչև 17:00 (ընդմիջում` 13.00-14.00)` ըստ հետևյալ ժամանակացույցի.

ՀՀ պաշտպանության նախարար Ս.Օհանյանի կողմից` յուրաքանչյուր ամսվա առաջին երեքշաբթի օրը,

ՀՀ ԶՈՒ գլխավոր շտաբի պետ-պաշտպանության նախարարի առաջին տեղակալ, գեներալ-գնդապետ Յու.Խաչատուրովի կողմից` յուրաքանչյուր ամսվա երկրորդ երեքշաբթի օրը,

ՀՀ պաշտպանության նախարարի տեղակալ, գեներալ-լեյտենանտ Ա.Միրզաբեկյանի կողմից` յուրաքանչյուր ամսվա երրորդ երեքշաբթի օրը,

ՀՀ պաշտպանության նախարարի տեղակալ, Ա.Նազարյանի կողմից` յուրաքանչյուր ամսվա չորրորդ երեքշաբթի օրը,

Ընդունելության համար անհրաժեշտ է նախապես ցուցակագրվել հանրապետական զինկոմիսարիատի ընդհանուր բաժնում:

ՀՀ ՊՆ և ԶՈւ ԳՇ վարչությունների և առանձին բաժինների պետերի կողմից` յուրաքանչյուր ամսվա առաջին չորեքշաբթի օրը,

ՀՀ զինվորական կոմիսարի կողմից` յուրաքանչյուր ամսվա երկրորդ չորեքշաբթի օրը,

ՀՀ ՊՆ և ԶՈւ ԳՇ վարչությունների և առանձին բաժինների պետերի տեղակալների կողմից` յուրաքանչյուր ամսվա երրորդ երեքշաբթի օրը,

ՀՀ տարածքային զինվորական կոմիսարների կողմից` յուրաքանչյուր ամսվա չորրորդ ուրբաթ օրը,

ՊԲ և ԲԿ հրամանատարների կողմից` յուրաքանչյուր ամսվա առաջին հինգշաբթի օրը,

Դիվիզիաների հրամանատարների կողմից` յուրաքանչյուր ամսվա երկրորդ հինգշաբթի օրը,

ՊԲ, ԲԿ և դիվիզիաների հրամանատարների տեղակալների կողմից` յուրաքանչյուր ամսվա երրորդ հինգշաբթի օրը,

Զորամասերի հրամանատարների կողմից` յուրաքանչյուր ամսվա չորրորդ հինգշաբթի օրը:

Ընդունելության ժամանակ քաղաքացու կողմից բարձրացված հարցին տրվում է հնարավորինս արագ պատասխան` գործող իրավական ակտերի համաձայն, իսկ եթե այն հրամանատարի իրավասությունից դուրս է, ապա քաղաքացուն տրվում է ըստ էության պարզաբանում, իսկ գրավոր դիմումը 3 օրվա ընթացքում ուղարկվում է ըստ վերադասության կամ համապատասխան պաշտոնատար անձին:

Ընդունելության ժամանակ հանձնված դիմումի քննարկումը չի կարող գերազանցել օրենքով սահմանված առավելագույն ժամկետը` 30 օր:

Դիմումի պատասխանը պետք է լինի հստակ, հասկանալի և ունենա իրավական հիմնավորում: