23
 
 
ՊՆ և ԶՈՒ ԳՇ  »   Տեղեկատվություն
Ստորագրվել է պաշտպանության ոլորտում հայ-լիտվական համագործակցության մասին համաձայնագիրը
2012-06-24
Ս.թ. հունիսի 24-ին երկօրյա պաշտոնական այցով Հայաստանի Հանրապետություն է ժամանել Լիտվայի Հանրապետության ազգային պաշտպանության նախարար տիկին Ռասա Յուկնևիչիենի գլխավորած պատվիրակությունը:
ՀՀ պաշտպանության նախարարության վարչական համալիրում կայացած դիմավորման հանդիսավոր արարողությունից հետո տեղի է ունեցել Լիտվայի Հանրապետության ազգային պաշտպանության նախարարի գլխավորած պատվիրակության հանդիպումը Հայաստանի Հանրապետության պաշտպանության նախարար Սեյրան Օհանյանի, ՀՀ ՊՆ և ՀՀ ԶՈՒ ԳՇ ղեկավար կազմի հետ: Պատվիրակությունները քննարկել են հայ-լիտվական պաշտպանական համագործակցության ոլորտում երկուստեք հետաքրքրություն ներկայացնող և համագործակցության զարգացմանն ուղղված հարցեր: ԼՂ հակամարտությանն առնչվող քննարկումների ժամանակ լիտվական կողմը նշել է, որ իրենք կողմ են հարցի խաղաղ ճանապարհով կարգավորմանը:
Հայաստանի Հանրապետության և Լիտվայի Հանրապետության պաշտպանության նախարարները ստորագրել են «Հայաստանի Հանրապետության պաշտպանության նախարարության և Լիտվայի Հանրապետության ազգային պաշտպանության նախարարության միջև պաշտպանության ոլորտում համագործակցության մասին» համաձայնագիրը: Հայ-լիտվական պաշտպանական համագործակցության իրավական հիմք հանդիսացող և 2002 թվականից գործող նախկին համաձայնագրի որոշ դրույթներ` Լիտվայի ՆԱՏՕ-ի և Եվրամիության անդամ դառնալուց հետո կորցրել էին իրենց արդիականությունը, բացի դրանից` անհրաժեշտություն էր առաջացել համաձայնագրի դրույթները համապատասխանեցնել զարգացող հայ-լիտվական պաշտպանական համագործակցության պահանջներին: Համաձայնագրով նախատեսվում է համագործակցություն զինված ուժերի ժողովրդավարական վերահսկողության, պաշտպանական քաղաքականության և ռազմավարության, պաշտպանական պլանավորման և բյուջետավորման, միջազգային խաղաղության աջակցման, մարդասիրական գործողությունների, թիկունքային ապահովման և փոխադարձ հետաքրքրություն ներկայացնող այլ ոլորտներում:
Այցի շրջանակներում Լիտվայի Հանրապետության ազգային պաշտպանության նախարարն այցելել է ՀՀ ՊՆ Վ. Սարգսյանի անվան ռազմական ինստիտուտ, ծանոթացել է ինստիտուտի կրթական ծրագրերին և ներկա գտնվել մարտական հերթապահության, խաղաղապահ առաքելության տարրերի և հատուկ նշանակության ուժերի ցուցադրությանը:
Այցի շրջանակերում Լիտվայի Հանրապետության ազգային պաշտպանության նախարարին կընդունեն ՀՀ Նախագահ Ս.Սարգսյանը, արտաքին գործերի նախարար Է.Նալբանդյանը և Ամենայն Հայոց Կաթողիկոս Ն.Ս.Օ.Տ.Տ. Գարեգին Երկրորդը:
Լուսանկարներ (15)
|
Այլ նորություններ
2015-04-14
Մամուլի հաղորդագրություն
Ապրիլի 14-ից 16-ը Մոսկվայում կայանալիք Հայաստանի Հանրապետության և Ռուսաստանի Դաշնության զինված ուժերի հրթիռահրետանային սպառազինության մասնագետների աշխատանքային հանդիպմանը կմասնակցեն ՀՀ ԶՈՒ սպառազինության վարչության ներկայացուցիչները:

2015-04-13
ՀՀ ՊՆ պատվիրակության այցը Լիբանան
Ապրիլի 11-ից պաշտոնական այցով Լիբանանի Հանրապետությունում գտնվող ՀՀ պաշտպանության նախարար Սեյրան Օհանյանն այցելել է ՄԱԿ-ի ՅՈՒՆԻՖԻԼ առաքելության կենտրոնակայան և հանդիպում ունեցել առաքելությանը մասնակցող ուժերի հրամանատար, Իտալիայի ԶՈՒ գեներալ-մայոր Լուչիանո Պորտոլանոյի հետ:

2015-04-13
Պայմանավորվածություններ են ձեռք բերվել հայ-իտալական համատեղ ծրագրերի շուրջ
Իտալիայի Հանրապետություն այցելության շրջանակում ՀՀ պաշտպանության նախարար Սեյրան Օհանյանը ապրիլի 10-ին եղել է ռազմարդյունաբերական համալիրի մի շարք ձեռնարկություններում, հանդիպել է ձեռնարկությունների ղեկավարության հետ:

2015-04-11
ՀՀ պաշտպանության նախարարի գլխավորած պատվիրակությունը մեկնել է Լիբանան
Ապրիլի 11-ին պաշտոնական այցով Լիբանանի Հանրապետություն է մեկնել ՀՀ պաշտպանության նախարար Սեյրան Օհանյանի գլխավորած պատվիրակությունը:

2015-04-10
Մամուլի հաղորդագրություն
Ապրիլի 8-ին Պաշտպանության նախարարի առաջին տեղակալ Դավիթ Տոնոյանը ընդունել է «Խաղաղապահական գործողությունների մարտահրավերների միջազգային ֆորումի» պատվիրակությանը` տնօրեն Աննիկա Հիլդինգ-Նորբերգի գլխավորությամբ: Նույն օրը կայացել է պատվիրակության այցը Պաշտպանության նախարարության Ազգային ռազմավարական հետազոտությունների ինստիտուտ:

2015-04-09
ՀՀ ԶՈւ ԳՇ պետը մասնակցել է ՀԱՊԿ ռազմական կոմիտեի նիստին
Ապրիլի 9-ին ՀՀ զինված ուժերի գլխավոր շտաբի պետ, գեներալ-գնդապետ Յուրի Խաչատուրովի գլխավորած պատվիրակությունը Տաջիկստանի Հանրապետության ք.Կայրակկում մասնակցել է ՀԱՊԿ անդամ պետությունների գլխավոր շտաբերի պետերի ռազմական կոմիտեի հերթական նիստին:

2015-04-08
Ստորագրման արարողություն ՀՀ պաշտպանության նախարարությունում
Ապրիլի 8-ին ՀՀ ՊՆ վարչական համալիրում գործակցության մասին հուշագիր է ստորագրվել «Ճարտարապետության և շինարարության Հայաստանի ազգային համալսարան» հիմնադրամի և ՀՀ պաշտպանության նախարարության միջև: Ստորագրվել է նաև ուսանողների ուսուցման գործընթացի և ուսումնաարտադրական պրակտիկայի կազմակերպման բնագավառում համագործակցության մասին պայմանագիր «Հայաստանի ազգային պոլիտեխնիկական համալսարան» հիմնադրամի հետ:

2015-04-07
Շահագործման են հանձնվել զինվորական հոսպիտալի նոր մասնաշենքերը
Անցնելով կազմավորման ու կայացման դժվարին ուղի, հարստացնելով ու կատարելագործելով մասնագիտական ունակությունները, ձեռք բերելով բժշկական արդիական սարքավորումներ ու բարելավելով շենքային պայմանները՝ զինված ուժերի ռազմաբժշկական ծառայությունն այսօր բարձր մակարդակով կատարում է իր առջև դրված խնդիրները:

2015-04-07
ՀՀ պաշտպանության նախարարի ուղերձը Մայրության և գեղեցկության օրվա կապակցությամբ
Սիրելի կանայք, Պաշտպանական գերատեսչության ողջ անձնակազմի և անձամբ իմ անունից Շնորհավորում եմ ձեզ Ապրիլի 7–ի` Մայրության և գեղեցկության օրվա կապակցությամբ: Սա ևս մեկ առիթ է վերարժևորելու կանանց անգնահատելի դերակատարությունը Հայաստանի Հանրապետության զարգացմանն ուղղված բոլոր ոլորտներում:

2015-04-04
Հանդիպում ՀՀ ՊՆ վարչական համալիրում
Ապրիլի 4-ին ՀՀ պաշտպանության նախարար Սեյրան Օհանյանը հանդիպել է Քաղաքական դասընթացների երևանյան դպրոցի ունկնդիրների և հաստատության շրջանավարտների հետ:

1  |  2  |  3  |  4  |  5  |  6  |  7  |  8  |  9  |  10  |  11  |  12  |  13  |  14  |  257
  • Բաժանորդագրվել
  • Էլ.փոստ՝