Համաձայն ՀՀ ՊՆ Մ.Մելքոնյանի անվան ռազմամարզական վարժարանի կանոնադրության` յուրաքանչուր ուսումնական տարվա հունիս-օգոստոս ամսիներին, վարժարանը կազմակերպում է ընդունելության գործընթացը, ըստ որի ընդունվել ցանկացող պատանիների ծնողները (նրանց փոխարինող անձինք) ընդունելության տարվա ապրիլի 2-ից մինչև հուլիսի 25-ը ռազմամարզական վարժարանի պետի անունով ներկայացնում են դիմում, որին կցվում է վարժարանի պետի անունով պատանու դիմումը (ռազմամարզական վարժարանում սովորելու, այն ավարտելուց հետո ռազմաուսումնական հաստատություններում ուսումը շարունակելու և ՀՀ զինված ուժերի սպա դառնալու ցանկության մասին):

Ընդունելությունը կատարվում է յուրաքանչյուր տարվա օգոստոսի 01-ից 15-ը` հիմնական կրթության 9-րդ դասարանի ծրագրի ծավալով: 
Քննություններ հանձնելուց առաջ թեկնածուներն անցնում են վերջնական բժշկական հետազոտություն ՀՀ պաշտպանության նախարարի հրամանով կազմված բժշկական հանձնաժողովի կողմից: 

Ընդունելության քննությունները հանձնում են մրցութային կարգով հետևյալ առարկաներից. 

 ֆիզիկական պատրաստություն`  ձգումներ ձողափայտի վրա, 100 մետր և 1000 մետր վազք,
 հայոց լեզու` թելադրություն, 
 մաթեմատիկա` գրավոր:

Ընդունելության համար անհրաժեշտ փաստաթղթեր.

1. Դիմում
2. Բժշկական փաստաթղթեր
ա/ բժշկական անալիզներն առանձին (կնքված), MRP անալիզ (կնքված)
բ/ սրտի ԷԿԳ (ժապավենը և պատասխանը, կնքված)
գ/ տեղեկանք հոգեբուժական և նարկոլոգիական դիսպանսերներից
դ/ սոնոգրաֆիա
ե/ ձև 63 և 26 (կնքված)
3. Ինքնակենսագրություն (դիմորդի ձեռագրով)
4. Բնութագիր` հաստատված դասղեկի և դպրոցի տնօրենի ստորագրություններով և կնքված
5. 9-ամյա կրթության վկայականը և պատճենը
6. Ծննդյան վկայականը և պատճենը
7. Տեղեկանք բնակավայրից, որտեղ նշված լինեն հասցեն և ընտանիքի կազմը
8. Տեղեկանք ծնողների աշխատանքի վայրից
9. Սոցիալական քարտի պատճենը
10. 3x4 չափսի 4 լուսանկար (առանց գլխարկի)
11. Թղթապանակ և ծրար
12. Տեղեկանք առանց մրցույթի կամ արտամրցութային կարգով ընդունվելու արտոնության մասին:

Համաձայն ՀՀ ՊՆ Մ.Մելքոնյանի անվան ռազմամարզական վարժարանի կանոնադրության. 

1.Առանց ընդունելության քննություններ հանձնելու, միայն հարցազրույցի արդյունքներով վարժարան են ընդունվում նախնական ընտրության, առողջական վիճակի և ֆիզիկական պատրաստության պահանջները բավարարող`
ա) ծնողազուրկ կամ առանց խնամքի մնացած երեխաները,
բ) մարտական գործողությունների կամ ծառայողական պարտականությունները կատարելու ժամանակ զոհված (մահացած) կամ 1-ին և 2-րդ կարգի հաշմանդամ դարձած զինծառայողների և նրանց հավասարացված անձանց երեխաները, 

2.Ընդունելության քննությունները դրական գնահատականներով հանձնած ֆիզիկական պատրաստության և ընդունելության մյուս պահանջները բավարարող թեկնածուներից մրցույթից դուրս ընդունվում են`
ա)սահմանամերձ գոտիներում ծառայող զինծառայողների երեխաները,
բ)միակողմանի ծնողազուրկ երեխաները,
գ)մարտական գործողությունների մասնակից զինծառայողների և նրանց հավասարացված անձանց երեխաները, 

3.Հավասար միավորների դեպքում առավելությունը տրվում է ֆիզիկական պատրաստության մյուս պահանջները բավարարող`
ա)զինծառայողների (այդ թվում սահմանված կարգով պահեստազոր արձակված կամ պաշտոնաթող) երեխաներին,
բ)սոցիալապես անապահով ընտանիքների երեխաներին,
գ)սահմանամերձ գոտիներում բնակվող ընտանիքների երեխաներին, 

4. Ընդունելության քննությունները հաջող հանձնած և մրցույթով անցած վերոհիշյալ կետերով նախատեսված արտոնյալ կարգով վարժարան ընդունված թեկնածուները գրանցվում են որպես վարժարանի առաջին կուրսի սաներ, նրանց տրվում է համապատասխան վկայական: Սաները հրամանագրվում են ՀՀ պաշտպանության նախարարի հրամանով:

էլ-փոստ: pn.monte@mil.am